Оқырманын өзіне тарта түсетін бірнеше артықшылығы бар Серікбол Хасанның «Әкесінің қызы» кітабын оқуға ұсынамыз. Себебі, шығармалар мазмұнды және тәрбиелік мәні жоғары, дизайны мен әсем де сапалы беттелген. Кітапқа енген қырыққа жуық өлеңнің барлығы да әке мен қыз бала арасындағы нәзік қарым-қатынасты шебер аша алады. Өлеңдердің тілі жеңіл, көлемі шағын. Салынған суреттер де хат танымайтын балаға да бірден түсінікті болып, әр өлеңнің мазмұнынан хабар беріп тұрады екен.
Құрметті оқырман, сіздерге де бұл кітаппен танысуға, балаларыңызға оқып беруге, тіпті жаттатуға да кеңес береміз.