Балалар кітабының апталығы

Толығырақ

Жаңартылды 14.05.2021 11:02

Жыл сайын 2 сәуірде дат ертегішісі Ганс Христиан Андерсеннің туған күнінде атап өтілетін Халықаралық Балалар кітабы күні қарсаңында кітапханада Балалар кітабы апталығы өтті.
Халықаралық Балалар кітабы күні «Сиқырлы кітаптар әлемі» атты кітап көрмесі жанында Г.Х. Андерсен ертегілерінің желісі бойынша театрландырылған қойылыммен мерекенің салтанатты ашылуы өтті.

Балалармен кездесуге келген ертегі кейіпкерлері кішкентай оқырмандарды көрмедегі ғажайып кітаптармен таныстырды. 

Апталық аясында кітапхана Facebook парақшасында заманауи қазақстандық жазушылармен тікелей эфирлер сериясын және балалар мен жасөспірімдер оқуын қолдау мақсатында онлайн кездесулер ұйымдастырды.лық ауыз әдебиеті, авторлық ертегілер, қызықты сиқырлы әңгімелер, балалар әдебиетінің алтын қорынан алынған шытырман оқиғалы әдебиеттер, сондай-ақ отандық және шетелдік авторлардың заманауи балалар кітаптарын табуға болады.

Еліміздің қайсар әрі тәуелсіз нәзік жанды тұлғаларына арналған жігерлендіріп, шабыт беретін шығармалардың авторы Динара Чайжунусова «Sup

er қыз» кітабын жазуға не себеп болғанын және жас оқырмандардың өзіне деген сенімін арттыруға қалай көмектесетіні жайлы әңгімелесе, 30 наурызда кітапхана балалар мен ата-аналарды «VITAмир» дүкенінің жаңадан келіп түскен балалар кітаптарына арналған онлайн шолуын тамашалады.
«Меченый» атты терең философиялық астарлы әңгімесінің авторы Игорь Александрович Морозовпен кездесу өтті. «Меченый» кітабы – бұл «балықшы 

мен балық туралы» әңгіме, бірақ, мағынасы мүлдем бөлек. Мұнда қармаққа түсетін балық емес, балықшы. Әңгіме үш тараптан айтылады: автор, балықшы және балық. Кітап мәңгілік құндылықтар – махаббат пен достық, жақсылық 

пен мейірімділік туралы ой қозғайды.
Іс-шаралар аясында педагог-психолог М.М. Давыдованың «Баланың кітап оқуға деген сүйіспеншілігін қалай арттыруға болады?» атты онлайн-сұхбаты өтті. Сұхбат барысында тәрбие беру амалдарына баланың кітап оқуға деген қызығушылығын қалыптастыруға көмегін тигізетін пайдалы тәжірибелік ұсыныстар мен кеңестер айтылды.

2 сәуірде белгілі жазушы Сәуле Досжанмен тікелей эфир өтті, оның «Ауылдан шыққан миллионер» кітабы Қазақстанның барлық өңіріндегі жас оқырмандардың сүйікті кітабына, ал кейінірек – еліміздің Назарбаев Зияткерлік мектептерінің үздік кітабына айналды. «Ауылдан шыққан миллионер» – жастарды өздеріне сенуге және қойылған мақсатқа табандылықпен жетуге шабыттандыратын мотивациялық оқиғалар шедеврі.
Шарль Перроның «Золушка» ертегісінің мюзиклінде кішкентай оқырмандарымыз, ән айтып, би билеп, ертегіден үзінді оқыды.

Мерекеміз әлі де жалғасын табады.

«Кітаппен жарқын әлемге»: балалар кітабының апталығы

Толығырақ

Жаңартылды 14.05.2021 11:04

Жыл сайын 2 сәуірде дат ертегішісі Ганс Христиан Андерсеннің туған күнінде атап өтілетін Халықаралық Балалар кітабы күні қарсаңында кітапханада Балалар кітабы апталығы өтеді. Апталық аясында кітапхана Facebook парақшасында заманауи қазақстандық жазушылармен тікелей эфирлер сериясын және балалар мен жасөспірімдер оқуын қолдау мақсатында онлайн кездесулер ұйымдастырады.

29 наурызда еліміздің қайсар әрі тәуелсіз нәзік жанды тұлғаларына арналған жігерлендіріп, шабыт беретін шығармалардың авторы Динара Чайжунусова «Super қыз» кітабын жазуға не себеп болғанын және жас оқырмандардың өзіне деген сенімін арттыруға қалай көмектесетіні жайлы әңгімелеп береді.

30 наурызда кітапхана балалар мен ата-аналарды «VITAмир» дүкенінің жаңадан келіп түскен балалар кітаптарына арналған онлайн шолуын тамашалауға шақырады. Бұл – кітап сатылымындағы алдыңғы орында тұрған балалар жазушыларымен сырттай танысуға, балаларға арналған ең танымал кітаптар туралы ақпарат алып, өзіңіз үшін оқуға міндетті ең жақсы кітаптар тізімін жасауға мүмкіндік береді.

31 наурызда «Меченый» атты терең философиялық астарлы әңгімесінің авторы Игорь Александрович Морозовпен кездесу өтеді. «Меченый» кітабы – бұл «балықшы мен балық туралы» әңгіме, бірақ, мағынасы мүлдем бөлек. Мұнда қармаққа түсетін балық емес, балықшы. Әңгіме үш тараптан айтылады: автор, балықшы және балық. Кітап мәңгілік құндылықтар – махаббат пен достық, жақсылық пен мейірімділік туралы ой қозғайды.

1 сәуірде ата-аналарды педагог-психолог М.М. Давыдованың «Баланың кітап оқуға деген сүйіспеншілігін қалай арттыруға болады?» атты онлайн-сұхбаты күтеді. Сұхбат барысында Сіздің қоржыныңыздағы тәрбие беру амалдарына баланың кітап оқуға деген қызығушылығын қалыптастыруға көмегін тигізетін пайдалы тәжірибелік ұсыныстар мен кеңестер қосылады.

2 сәуірде белгілі жазушы Сәуле Досжанмен тікелей эфир өтеді, оның «Ауылдан шыққан миллионер» кітабы Қазақстанның барлық өңіріндегі жас оқырмандардың сүйікті кітабына, ал кейінірек – еліміздің Назарбаев Зияткерлік мектептерінің үздік кітабына айналды. «Ауылдан шыққан миллионер» – жастарды өздеріне сенуге және қойылған мақсатқа табандылықпен жетуге шабыттандыратын мотивациялық оқиғалар шедеврі.

2 сәуір – Халықаралық Балалар кітабы күнінде «Сиқырлы кітаптар әлемі» атты кітап көрмесі жанында Г.Х. Андерсен ертегілерінің желісі бойынша театрландырылған қойылыммен мерекенің салтанатты ашылуы өтеді. Балалармен кездесуге келген ертегі кейіпкерлері кішкентай оқырмандарды көрмедегі ғажайып кітаптармен таныстырады. Көрмеден халық ауыз әдебиеті, авторлық ертегілер, қызықты сиқырлы әңгімелер, балалар әдебиетінің алтын қорынан алынған шытырман оқиғалы әдебиеттер, сондай-ақ отандық және шетелдік авторлардың заманауи балалар кітаптарын табуға болады.

Сонымен қатар, Апталық аясында кітапхана балалар мен ересектерді 30 наурызда Шарль Перроның «Золушка» ертегісінің мюзикліне, 3-4 сәуірде отбасылық клубтағы Г.Х. Андерсеннің ертегілерін дауыстап оқуға және ертегі терапиясы сеанстарына шақырады, олар балалардың шығармашылық қабілеттерін дамытуға, қоршаған әлеммен қарым-қатынасын жақсартуға және жақындарымен сенімді қарым-қатынас орнатуға көмектеседі.
Балалар кітабы Апталығында балалар мен ата-аналарды, тәрбиешілер мен педагогтарды – кітапхананың барлық пайдаланушыларын кітапхана төрінен көруге қуаныштымыз! Балалар кітабының жарқын әлеміне, сиқырға, жақсы эмоциялар мен жаңа ашуларға толы ерекше атмосфераға бірге енейік!

Байланысшы: Құдайбергенова Н.К.
Тел: 87055412525

"Алабұға аулаған күн" атты облыстық сурет сайысының қорытындысы

Толығырақ

Жаңартылды 05.03.2021 16:33

Сурет өнері – өнер атаулының ішіндегі көркем де бейнелі руханият қазынасы. Жас ұрпақты ұлттық дүниетаным негізінде тәрбиелеудің баға жетпес құралы. Қайсы бір жағдайларда сөзге қарағанда сурет ойды жеткізудің ерекше жолы. Қылқалам туындылары арқылы балалар мен жасөспірімдер арасында кітап оқуды дәріптеу мақсатында А.С. Пушкин атындағы Шығыс Қазақстан облыстық кітапханасы 2021 жылы «Бір ел – бір кітап» республикалық акциясы аясында ел болып оқуға таңдалған кітаптар қатарына енген Толымбек Әбдірайымның «Алабұға аулаған күн» кітабы желісімен облыстық сурет байқауын ұйымдастырды. Байқауға 8-15 жас аралығындағы балалар мен жасөспірімдер қатысып, Өскемен, Семей қалалары, Тарбағатай, Күршім, Катон, Марқакөл аудандары мен қала маңындағы ауыл-аймақ оқушылары аса белсенділік танытты.
Байқау нәтижесі: 8-10 жас аралығындағы балалар арасында бірінші орын – Күршім ауданы №1 Марқакөл орта мектебінің 4 сынып оқушысы Қалиолдаева Инабат, екінші орын – Өскемен қаласы, №29 орта мектебінің 4 сынып оқушысы Сазонов Константин, үшінші орын – №1 Марқакөл орта мектебі, 3 сынып оқушысы Мұратбек Інжу.
11-15 жас аралығындағы балалар арасында: бірінші орын – Семей қ, А. Ибраев атындағы орта мектептің 9 сынып оқушысы Арғынова Баян, екінші орындар – Тарбағатай ауданы, Балалар өнер мектебінің 7 сынып оқушысы Айдарбекова Ақерке және Семей қаласы, А. Ибраев атындағы орта мектептің 9 сынып оқушысы Шайзоллаев Бекзат, үшінші орындар – Семей қаласы, А.Ибраев атындағы орта мектептің 10 сынып оқушысы Ахметсафина Ажар және Өскемен қаласы, №45 орта бейіндік мектебінің 8 сынып оқушысы Тұрғанбаева Айымгүл.
Сурет байқауына белсене қатысқан оқушыларға А.С. Пушкин атындағы Шығыс Қазақстан облыстық кітапханасы зор алғысын білдіре отырып, өз елінің болашағына үлес қосатын білімді де парасатты азамат болуларын тілейді!

#БірелБіркітап #Сайыс #СуретСайысы #АлабұғаАулағанКүн #ТолымбекӘбдірайым

Алабұға аулаған күн

Толығырақ

Жаңартылды 28.02.2021 17:35

Авторы: Қалиолдаева Инабат Жандосқызы 10 жаста, 4 сынып оқушысы, Күршім ауданы, «№1 Марқакөл орта мектебі» КММ

Жетекшісі: Закариянова Зайнигуль Кизатовна

#БірелБіркітап #ПушкинКітапханасы #АлабұғаАулағанКүн #ТолымбекӘбдірайым #БіргеОқимыз #СуретСайысы

Балапан баққан Батыр

Толығырақ

Жаңартылды 22.02.2021 13:43

Авторы: Мұратбек Інжу 3-ші сынып оқушысы.
№1 Марқакөл орта мектебі
Т. Әбдірайымның "Алабұға аулаған күн" кітабындағы «Балапан баққан Батыр» атты әңгімесі бойынша салынған сурет.

Мен бұл суретті Батыр деген бала туралы әңгіме бойынша салдым. Бірде Батырдың көкесі үйректің сегіз кішкентай балапанын алып келді. Оларды қызықтаудан жалықпайтын Батыр. – Балапандар үлкейгенше өзім бағам. Ешкімге тиіскізбеймін, – дейді. Оған көкесі разы болып: өсті деген осы... Сөзіңде тұрсаң, күзде велосипед сатып әперемін, – дейді.

Төрт жастағы Батырды бұл сөз қатты қуантады. Ертеден кешке дейін балапандарға қарап, үйден ұзамайтын болады. Бірақ бір күні ұмытып, достарына қосылып, екі-үш сағат ойнап кетеді. Кенет балапандары есіне түсіп, үйге қарай жүгіреді. Ол анадайдан байқады, көршінің көк күшігі балапандарды қуып жүр. Аяқтары қысқа кішкентай балапандар шиқ-шиқ етіп қашады. Кет былай! Тиіспе!.. – деп айқайлап, жүгіріп келеді Батыр.
Көк күшік сол мезет бір балапанды бас салып жеп қояды. Батыр қатты жылап. «Бәлем... сені мен... кө-ке-ме айтып-п... ұрғызбасам-м...» – дейді өксігін баса алмай. Осы сәтте мамасы шығып: «Балам-ау, не болды. Біреу тиісті ме?» дейді. Сол кезде Батыр болған жайды мамасына айтып береді. «Қой, құлыным, жылама! Балапанды аяған, жаны ашыған жүрегіңнен айналдым» дейді анасы.

#БірелБіркітап #ПушкинКітапханасы #АлабұғаАулағанКүн #ТолымбекӘбдірайым #БіргеОқимыз #СуретСайысы